الى المواطن المسكين ممكن سؤال
ليش انت زعلان ومعصب وقرفان من الحكومه عشان رفعت عليك الاسعار عشان رفعت البنزين عشان رفعت الدخان
انت مش فاهم الحكومه مثل ماانا فاهما
الحكومه بدها تخليك انسان (مودرن) عصري يعني وعلى قولة الحجه بدها تخليك انسان تمشي على الإتكيت
عزيزي المواطن لما الحكومه رفعت سعر القهوة كان الهدف من الرفع انك تشرب نسكافيه او كابتشينو
القهوة اصلآ مضره للصحه وفيها كافيين بضر الصحه صحيح انت الك من انخلقت وانت بتشرب قهوة وماعمره صابك شي لكن القهوة مضره وفيها كافيين كلام وزارة الصحه والحكومه مابطلعلك تحكي اشي
النسكافيه مشروب عصري هو صحيح مش من عاداتنا وتقاليدنا لكن الغرب احسن منا القهوة العربيه بطلت تنفع كمان ماظل للعرب كلام بدك تظل تشرب قهوتهم لهيك انا بنصحك بلكابتشينو الكابتشينو ايطالي وصحي
الحكومه لما رفعت سعر الدخان صحيح الدخان مضر كمان بصحه وهي خايفه عليك وعلى صحتك
لكن الهدف من الرفع انك تشرب مالبورو مهرب والانواع الاجنبيه المضروبه او انك ترجع لي ايام الطفوله ودخن عروق ملوخيه
الحكومه لما رفعت سعر البنزين كان الهدف من الارتفاع صحتك والمحافظه على لياقتك يعني على قولة عادل امام مش غلط لو تمشي ساعتين وانت طالع على دوامك وساعتين وانت راجع من داومك بتروح البيت هلكان ومابتجيب اولاد واصرفي ياحكومه
وكمان المشي مفيد للصحه لاتنسى ان صحتك هي الأهم
لكن بصراحه لي عتب على الحكومه ليش الى الآن مااجا دور رفعنا احنا 00نطالب برفعنا يعني لمتى بدنا نظل نمشي على الأرض مثل باقى الشعوب احنا بدنا نمشي على السحاب يعني مش غلط لو حطتونا عند أعلى برج ورميتونا وبهيك بترتاحو من المواطن ومن همومه ومشاكله
وبهيك بنتهي عجز الموازنه وبظل بالخزينه مصاري للنهب والسلب من قبل المفسدين
حرام يعني المفسد مايسرقله عشرة عشرين مليون دينار هيك حق سفره لإحدى دول اروبا عشان يروج للمواطن العربي بلبارات والنوادي الليله
عزيزي المواطن
الحكومه بدها مصلحتك وهي بتحبك اي من كثر مابتحبك بدها تحط عليك ضريبه على الحب
تحياتي الخاصه الى المواطن المدعوس على ثمه
مع تحيات مواطن مهلوس ومش مسؤول عن كلامه
ملاحضه اخيره سبب عدم مسؤوليتي إني متاكد لما أصل للمسؤولين
راح اقول مثلما يقول الجميع
سيدي البلد بخير واحنا مرتاحين ومبسوطين ومشان الله بدنا واسطه...
ليش انت زعلان ومعصب وقرفان من الحكومه عشان رفعت عليك الاسعار عشان رفعت البنزين عشان رفعت الدخان
انت مش فاهم الحكومه مثل ماانا فاهما
الحكومه بدها تخليك انسان (مودرن) عصري يعني وعلى قولة الحجه بدها تخليك انسان تمشي على الإتكيت
عزيزي المواطن لما الحكومه رفعت سعر القهوة كان الهدف من الرفع انك تشرب نسكافيه او كابتشينو
القهوة اصلآ مضره للصحه وفيها كافيين بضر الصحه صحيح انت الك من انخلقت وانت بتشرب قهوة وماعمره صابك شي لكن القهوة مضره وفيها كافيين كلام وزارة الصحه والحكومه مابطلعلك تحكي اشي
النسكافيه مشروب عصري هو صحيح مش من عاداتنا وتقاليدنا لكن الغرب احسن منا القهوة العربيه بطلت تنفع كمان ماظل للعرب كلام بدك تظل تشرب قهوتهم لهيك انا بنصحك بلكابتشينو الكابتشينو ايطالي وصحي
الحكومه لما رفعت سعر الدخان صحيح الدخان مضر كمان بصحه وهي خايفه عليك وعلى صحتك
لكن الهدف من الرفع انك تشرب مالبورو مهرب والانواع الاجنبيه المضروبه او انك ترجع لي ايام الطفوله ودخن عروق ملوخيه
الحكومه لما رفعت سعر البنزين كان الهدف من الارتفاع صحتك والمحافظه على لياقتك يعني على قولة عادل امام مش غلط لو تمشي ساعتين وانت طالع على دوامك وساعتين وانت راجع من داومك بتروح البيت هلكان ومابتجيب اولاد واصرفي ياحكومه
وكمان المشي مفيد للصحه لاتنسى ان صحتك هي الأهم
لكن بصراحه لي عتب على الحكومه ليش الى الآن مااجا دور رفعنا احنا 00نطالب برفعنا يعني لمتى بدنا نظل نمشي على الأرض مثل باقى الشعوب احنا بدنا نمشي على السحاب يعني مش غلط لو حطتونا عند أعلى برج ورميتونا وبهيك بترتاحو من المواطن ومن همومه ومشاكله
وبهيك بنتهي عجز الموازنه وبظل بالخزينه مصاري للنهب والسلب من قبل المفسدين
حرام يعني المفسد مايسرقله عشرة عشرين مليون دينار هيك حق سفره لإحدى دول اروبا عشان يروج للمواطن العربي بلبارات والنوادي الليله
عزيزي المواطن
الحكومه بدها مصلحتك وهي بتحبك اي من كثر مابتحبك بدها تحط عليك ضريبه على الحب
تحياتي الخاصه الى المواطن المدعوس على ثمه
مع تحيات مواطن مهلوس ومش مسؤول عن كلامه
ملاحضه اخيره سبب عدم مسؤوليتي إني متاكد لما أصل للمسؤولين
راح اقول مثلما يقول الجميع
سيدي البلد بخير واحنا مرتاحين ومبسوطين ومشان الله بدنا واسطه...