Tweet
غيمهْ عابرهْ
قـَدِّيشْ صـَرْلي صابـْرَهْ
إيدي على خدّّيُ وْ حـَضـِرْتـَكْ ناطـْرَهْ
وْ تـَلـْفـَنـِتـْلي جايي ..
صـَدَّقـِتْ لـِ حـْكايـِهْحاكيتْ لـِ مـْرايـِهْ
حـُلـْوهْ أنا ..!!
رحْ إعـْجـِبو ..!!
أوعي عـْيونـِكْ يـِكـْذِبو
قولي نـْطـِقي ..
.. الـْكـِحـْلـِهْ مـْسـَوَّايـِهْ
قولي الـْحـِمـْرَهْ راكـْزِهْ أو جاقـْرَهْ
رحْ إلـْبـُسِ تـْيابْ اللـّي هيـّي بـْتـِعـْجـِبـُو
والشـَّعرْ بـَدِّي رَتـِّبو
وْ رحْ رشْ من عـِطرِ اللـِّي هـُوّي جايـِبو
صـِرتِ الـْوقتْ دَقـَّهْ بـْدَقـَّهْ إحـْسـِبو
شو هـَ الـْوقتْ .. ما أصعـَبو
مـِتـْلِ الـْمـَدِحـْلـِهْ عـْقارِبو
مـْنِ شـْوَيْ كانـِتَْ طايـِرَهْ
ونـْطرِتْ حـَدِّ الـْبابْ مـَلـْهوفـِهْ
و منْ لـَهـْفـِتي عمْ فرِّكِ كـْفوفي
حاكيتْ حالي تـْ أخـَّرو ضـْيوفي
وسـْمعـِتْ دَقـَّهْ تـْبـَلـْجـَمو حـْروفي
قومي فـْتـَحيُ وْ شوفي
تاري الـْجارَهْ ..
.. قالْ وَحـْدا قاعـِدهْ
بـَدْها أنا تا سايـِرَهْ
قـِلـْتـِلـْها ما قادْرَهْ
مـَلـَّصـِتْ منها بـِ الـْكـِذِبْ
قـِلـْتـِلـْها :عندي حـَدا ..
.. ضـْيوفي غـِرِبْ
إنـْتِ اللـِّي عـَلـَّمـْتِ الـْقلبْ
يـُغـْزُلْ كـِذِبْ
حـَمـَّلـْتني مـِيـِّةْ ذنـِبْ
ما تـْحـَمـِّلـْتْ فـَرْكـِةْ كـَعـِبْ
رجـْعـِتْ عـَ بـَيتا جارْتي
ورْجعـِتْ إنطـُرْ ساعـِتي
وْ ما بـَينْ بابي وْ ساعتي
الـْعينينْ كانت طايـْرَهْ
وسـْمـِعـِتْ عـَ الـْبابِ نـْ طـَرَقْ
جـِسـْمي نـَقـَزْ ..
قلبي خـَفـَقْ
وفـْتـَحـِتـْلـَكْ ..
.. ونـْطـَرتْ فـِكـري تـْضـِمني
وتـْشـِدْ حتى تـْحـِمـْني
وْ حـِسِّ الـْ أرضْ ..
.. تحتي ما راحِ تـْلـِمـْني
تاري الـْ أملْ كـَذ َّابْ
ما تـْعانـَقو الـْ أحبابْ
سـَلـَّمتْ مـِتلـَكْ متـِلْ شي أغـْرابْ
مـَسـْنودْ شـِفـْتـَكْ مـِتـِلْ فـَرْدِةْ بابْ
جايي تـْقـِلـّي كـِلـْمـْتينِ عـْتابْ ..!!
حسـّيتْ وعـْيي غابْ
والـْجسمْ كنـّو دابْ
معقولْ بعد غـْيابْ ..!!
نوقـَفْ متـِلْ أغرابْ
شـْقـَدِّ الـْ أملْ كـّذابْ
حاكيتني ..
ما كنتْ إقدرْ إسمعـَكْ
الله معـَكْ .. الله معـَكْ
لـَكْ شوفْ غيري يـِنفـَعـَكْ
قـِلـّي إنتْ شو رجـَّعـَكْ
ريتِ الـْقدرْ ما رَجـَّعـَكْ
قـَدَّيشـْها الـْ أيامْ صـَعـْبهُ وْ غادْرَهْ
جايي بعدْ غيبـِةْ دهرْ
.. متـْلـَكْ مـِتـِلْ .... غـَيمـِهْ غريبـِهْ عابـْرَهْ ..!!
Comment