القصة حقيقة 100% صارت معي شخصيا

رحنا للحج من شلة حماصنة على كيفكم , الامور ماشية تمام , خلصنا من وقفة عرفة ورحنا مع هالناس للمزدلفة, طبعا وصلنا وقت صلاة العشا
رحت بدي اتوضى , يا الله لقيت شي 1000 واحد كلون بدون يتوضو, يعني حبكت معهم الوضوء لما انا بدي اتوضى ,,, ما علينا المهم اتوضيت ورجعت مشان الحق صلي مع الشباب ’ لقيتون بلشو بالصلاة
ومانطروني
والمشكلة مو تاركين ولا محل فاضي ومابصير يعني اوقف بصف وحدي ,قمت نقيت ( اخترت) واحد منون مابعرفو , دقيت على كتفو بكل زوء وادب مشان يرجع خطوة ويوقف جمبي, والله الرجل ما كذب خبر رجع بكل وقار وخشوع خطوة للوراء, انا شفت محلو صار فاضي , بدون تردد تركتو لحالو ووقفت مكانو وكفيت صلاتي عادي !!!!!
وطبعا بعد انتهاء الصلاة اختفيت من وجهو مشان ما اسمع شي كلمة
بعد الحادثة بسنيييييين كنت واقف على اشارة, صارت الاشارة خضرا بدي امشي يعني ماقدرت في واحد عم يكسر عليي مو مخليني اتحرك, طلعت بدي شوف ليش عم يعمل هيك , لقيتو عم يسلم عليي وانا مابعرفو قلتلو مين حضرتك قال لي انا اللي اخدت لي محلي بالصلاة في المزدلفة بالحج
يا الله كل هالسنين ومانسي وجهي ومانسي الحادثة

كل سنة وانتو طيبين