محبـّينو كـْتارْ
ويلي مـْحبـّينِ الحلو ..
.. شو كـْتارْ
وْ يا ويلْ ويلي شـْقدْني ..
.. عم غارْ
كـُلـُّن حبيبـُنْ هـَ الحلو ..
وْ نهداتْ قلبي ما بقى يـِتـْحمـَّلو
شيْ بـْ يطلـَعو .. شيْ بـْ ينزلو
وْ عنـّي عيونو بـْ يغفـَلو
وْ قلبي أنا بـِ تـْمرجحو ..
.. مرجوحـِةِ الأفكارْ
يـُحرُقْ حريشـُنْ طوَّلو الزُّوَّارْ
تـْمنـّيتْ إعمـُلْ من جفوني مـَلـْحـَفـِهْ
وْ خلـّي طـْرافا عـَ الحبيبِ مـْلـَفـْلـَفـِهْ
وْ خبـّيهْ حتى عن عيونـُنْ يـِخـْتفي
يـْجنـُّو وعليهِ وْ عن حبيبي يـِسألو
وْ ما يعرفو وينِ الحلو
وْ لا يعرفو إنـُّو جفوني ..
.. للـْحبيبِ سـْتارْ
وْ يـِ تـْحيـَّرو تا يـِخـْوَتو
وْ يـِ تـْضـَجـَّرو وْ يـِ تـْمقـَّتو
وْ ما يعرفو إنـُّو الجفنْ مـِخـْبايـِتو
وْ إنـُّو عيوني فرشـِتو ومـْخدِّتو
وْ إنـُّْو القلبْ ..
.. أرضو وْ سـَماهُ وْ جنـِّتو
وْ يبقى صغيرُنْ تايـِهُ وْ محتارْ
وْ يـِتـْلوَّعو من غيبـِتو لـِ كـْبارْ
وْ تبقى عـَليهـُنْ غامـْضـَهْ الأسرارْ
لاكنْ يا حسرةْ هـَ القلبْ
هـَ الـْغيرتو متلِ الكذبْ
ما قـْدرتْ إغزلـُّو الـْهـِدبْ
وْ إخـْفيهْ عنهـُنْ ..
.. شي صعبْ
وْ يا دِلْ دِلـُّو هـَ الحلو ..
.. ما لو ذنـِبْ
مـْحبـِّينْ قلبو كـْتارْ والله كـْتارْ
وْ بـْ يعرفِ شـْقدِّي عليهِ بـْ غارْ
يـِمكـِنـْلـَكِ بـْ متلي أنا ..
.. وبـْ غيرتي ما صااارْ
Comment