Tweet
- عباس سليمان علي
ما بـْ تـِنـْتـَسى
شعر محكي لـّ عبـَّاس سليمان علي
=0=0=0=0=0=0=0=0=0=0=0=
اللّي متلْها .. ما صارْ وينْ ما كانْ
اللّي متلْها ما بـْيعرفو النّسيانْ
اللّي متلْها ما بـينتسى
لو ينـْتسى ..!!
وَيـْــلييييييهْ وَيـْليييهْ
كانْ ..
ما بـْيطلعْ على الدنيا صبحْ
أو طلْْ عـَ الدنيا مسـا
اللّي متلْها ما خِلِقْ ..
حتى ينـْتسى
وْلا يعرفو النـّسيانْ
اللّي متلْها ..
لو يعرفو النـّسيانْ
يا ويييييلْ .. ياوييييلْ
ما كانْ في بين الـْ خلقْ
مخلوقْ ..
يتسمّى بـْ إسمْ إنسانْ
ما كانْ في صدْقُ وْ وَفا
ولا كانْ صحوه وْ لا غفى
كانتِ الشَّمْسِ بـْ تنـْطَفا
ما كانْ في وردُ وْ زهرْ
ولا هلْ بالليل الـْبدرْ
ما في حكي ولا في شِعرْ
ولا كنّا ألوانِ الـْقزَحْ
منـْشوفـْها أو نعرفا
اللي متلها
لو يعرفو النّسيانْ
ما كانْ في مـْساكِنْ ولا عنوانْ
ما كانْ في قهوهْ وْ لا فنجانْ
كان القلبْ متل القطبْ بردانْ
كانتِ بـْ تاكُلْ بعضْها الـْ أكوانْ
لو يعرفا النسيانْ
كنّا نـَكرنا الـْ أنبيا ... و كـْفرنا بالأديانْ
قولكْ بقى
اللّي متلها
معقولْ إنّو يطويا النـّسيانْ ..!!
اللّي متلْها ... طُهـْر النـّدى..
... صفوِ الـْمدى
لَكْ متِلْها ... مافي حَدا...
..... ولا جابتا النسوانْ
هيّي شِفا ... هيّي صفا ..
هيّي هَنا الـْ أرواحْ
وْ هيّي ...
......... الضّميرِ الـْ حَيْ بالوجدانْ
*0*عبـَّاس سليمان علي*0*
Comment