ـ مهما تشدّ وْ تـِشقيني
بسْ بقلبا تـْ خبّيني
بسْ بحبّا تـْ دفـّيني
ـ بْترفعني وبْترميني
وبْتقتلني وتحييني
شو ما بدْها عم تاخُدْ
واللّي بدها بـْ تعطيني
شوفو شو بـْ تعملْ فيني
ـ هبـِّهْ تلج وْ هبـِّه نارْ
وبالتّلج بـْ توقدلي جْمارْ
وبـْ تبرُمْ وشّا وْ تزعلْ
وترجعْ بعدا وْ تـِتْدلَّلْ
بتْخفّ شْويّهْ وْ تتْقلْ
خلْتني بحُبّا محتارْ
تـْ زعـِّلني وتـْ راضيني
ـ عرْفتْ حالا غنـّوجهْ
وشو حلوه وْشو كربوجهْ
وْ بتْزيدْ عليي الدّلعه
تا تـْ هبْ بـْقلبي الولعهْ
وقت بـْ تحلالا الرّجعهْ
بـْ تعملْ حالا مزعوجهْ
وْتطفي الولعهْ وْ تطفيني
ـ ساعهْ بتجزر ساعهْ تـْمِدْ
بـْ تلمسني وْ بتقلّي دِدْ
قرِّبْ .. لأ روح وْ بعِّدْ
بتْدفّيني وبتْبرِّدْ
بدّي موقفها تـْحدِّدْ
يا تسمحلي يمّا تـْصِدْ
بتعطّشني وترويني
ـ شو ما عملتْ محبوبهْ
حلوهْ رْقيقهْ وْ طيّوبه
متل اللّي بدّا بـْحبّا
بسْ تْخلّيني بْقربا
ومهما بـْتشقيني دربا
ولو كان بحبّا ذنوبي
بوهبلا عمر سنيني
وشو بـْ يرضيها بـْ يرضيني
================================ [email protected] ===
== تشرين أول 2009== عباس سليمان علي ===
Comment