Tweet
تالين ... فنان من تالين وليد علي
تالين ..
" وليد علي .. فنان من تالين
دمشق 2011
نسّم هوى تشرين
وكل نسمة تعصر هالقلب
وتذكرّو بتالين
وين بيادرها الوسيعة .. ووين الدرب
الدرب الرايحة عالعين
صبايا ومواسم غناني وتلاحين
وباقه شبيبات تسكر بطيب الورد
وتعقد الدبكة كل ماطلّت الحلوين
وكوخنا القصب
بعدو بالسهرات موعود
ياما عضوّ القمر جنّت السهرة
وغفيت نهود
بعدك بتذكر ياخيّ درب هالفكّة
وحجال حلّة الحردوب والتكة عالتكة
وعزيز علي ميهوب .. بارودتو بكتفو
طاير ورا الطيور ..
اللي بوديانها طاروا ولفّوا ..
بتتذكر هالشبيبات راكضين نزول
حاملين فخوخ رايحين عالصلي
فهد وجهاد وعادل وعلي
فرحانين .. وشو تمنوا النهار يطول
بين هالحاضر والماضي
قلّة إخلاص و وفا
ضيعتي اللي كنت تعرفا
وبنسماتها الحلوة توصفا
صرت تمرّ فيها ومابقا تعرفا
صار هالجيل عينو لبعيد
ونعمة الفيها دايسا ومو شايفا
هالكانت مواسم جنى
بيادر وحصادين
والغلال غمار غمار
وصبايا عن العين راجعين
بجوّها المغمور بالغار والريحان
وشجر الخرنوب
تشبك بإيدو البطم والريحان
هون جرن وهون كوخ وهون مصطبة
وعسطوح بيوتها الغلال
صفرا مدهبة
وتلال تغازل الشمس
طول النهار
وبالليل يقلها القمر
بضوّي تهني والعبي
سراب الحمام بجوها رفوف رفوف
ماتركها مسافر ع مكان بعيد
إلا وعخبارها ملهوف
والجوزة حانية ظهرا
منلعب بفيّها طول النهار
بتلعب بلعباتنا
وبتضحك عضحكاتنا
وماحدا بييعرف قديش عمرا
بعدك ياخي بتذكر مرشد الختيار
حد العين عميعمل سلال
من الرّيحان
قاعد لحالو كل النهار
لمّن نشوفوا
تضحك بوجوّ البسمة
تفضلوا عالشاي
عالنار عميغلي .. الابريق
هالابريق ... أحلى رفيق
زوادتو رغيف الخبز مع بصلة
وشوية تين
وإن أخد شي غفوة
بأمان وهنا وقرارة عين
تنهيدتو طويلة
وبهالوادي إلها صدى
و ع عين العرض الحلو
وعلي بو علي
وغيرهن ماحدا
بيخطر عبالن زمان المضى
وبيسولفوا حكايات..
هون كنا نزرع القمح
وكانت الطاحون هون
وهون محطة الحطّابات
بعدها مواويل مابتنّسى
ع طول المدى.
علي طرموش بو سليمان
لقبو " الحلو "
يللي بالضّيعة متيل ما إلو
عامل لحالو كوخ صغير
بعبّ شجرة الخرنوب
من الشرق بيطلّ علي الركّاد
ومن الغرب البحر
وعلي بو علي إن طلًّع جنوب
وبيزرع شوية بندورة وخيار
ويقطين وعجّور
هي حيلتو
كريم بأرضو إن قصدتّو
وعفيف النّفس (ولو جوعان) .. إن عزمتو
مرشد والحلو
فهموا العمر من اوّلو
لا مال بالدنيا ولا دهب
ولا صوبها مشي خطوة
ولا لذّاتها طلب
هوّ العمر يومين
عافية وأرض وشجرتين
بقرة وخروف وجاجتين
وولاد حولك متل النسور
إن ماطيلعت الأرض غلّة
بيطلعوها من الصّخور
بين الجرن وعين العريض ..
أرض الصفيّ ..
لأحمد عبّود ..
زيتون ودوالي
عناقيدها أصفر دهب .. وسود
بعد طول هالغيبة والشّقا
رجعت ع تالين ضيّعت مفرقا
وصرت اسأل عن سهراتها الحلوة
ومعاصرالزّيتون و وين المصطبة
جاوبني الصدى .. ياحسرتي
اللي راح مابيرجع بقا ...
" وليد علي .. فنان من تالين
دمشق 2011
نسّم هوى تشرين
وكل نسمة تعصر هالقلب
وتذكرّو بتالين
وين بيادرها الوسيعة .. ووين الدرب
الدرب الرايحة عالعين
صبايا ومواسم غناني وتلاحين
وباقه شبيبات تسكر بطيب الورد
وتعقد الدبكة كل ماطلّت الحلوين
وكوخنا القصب
بعدو بالسهرات موعود
ياما عضوّ القمر جنّت السهرة
وغفيت نهود
بعدك بتذكر ياخيّ درب هالفكّة
وحجال حلّة الحردوب والتكة عالتكة
وعزيز علي ميهوب .. بارودتو بكتفو
طاير ورا الطيور ..
اللي بوديانها طاروا ولفّوا ..
بتتذكر هالشبيبات راكضين نزول
حاملين فخوخ رايحين عالصلي
فهد وجهاد وعادل وعلي
فرحانين .. وشو تمنوا النهار يطول
بين هالحاضر والماضي
قلّة إخلاص و وفا
ضيعتي اللي كنت تعرفا
وبنسماتها الحلوة توصفا
صرت تمرّ فيها ومابقا تعرفا
صار هالجيل عينو لبعيد
ونعمة الفيها دايسا ومو شايفا
هالكانت مواسم جنى
بيادر وحصادين
والغلال غمار غمار
وصبايا عن العين راجعين
بجوّها المغمور بالغار والريحان
وشجر الخرنوب
تشبك بإيدو البطم والريحان
هون جرن وهون كوخ وهون مصطبة
وعسطوح بيوتها الغلال
صفرا مدهبة
وتلال تغازل الشمس
طول النهار
وبالليل يقلها القمر
بضوّي تهني والعبي
سراب الحمام بجوها رفوف رفوف
ماتركها مسافر ع مكان بعيد
إلا وعخبارها ملهوف
والجوزة حانية ظهرا
منلعب بفيّها طول النهار
بتلعب بلعباتنا
وبتضحك عضحكاتنا
وماحدا بييعرف قديش عمرا
بعدك ياخي بتذكر مرشد الختيار
حد العين عميعمل سلال
من الرّيحان
قاعد لحالو كل النهار
لمّن نشوفوا
تضحك بوجوّ البسمة
تفضلوا عالشاي
عالنار عميغلي .. الابريق
هالابريق ... أحلى رفيق
زوادتو رغيف الخبز مع بصلة
وشوية تين
وإن أخد شي غفوة
بأمان وهنا وقرارة عين
تنهيدتو طويلة
وبهالوادي إلها صدى
و ع عين العرض الحلو
وعلي بو علي
وغيرهن ماحدا
بيخطر عبالن زمان المضى
وبيسولفوا حكايات..
هون كنا نزرع القمح
وكانت الطاحون هون
وهون محطة الحطّابات
بعدها مواويل مابتنّسى
ع طول المدى.
علي طرموش بو سليمان
لقبو " الحلو "
يللي بالضّيعة متيل ما إلو
عامل لحالو كوخ صغير
بعبّ شجرة الخرنوب
من الشرق بيطلّ علي الركّاد
ومن الغرب البحر
وعلي بو علي إن طلًّع جنوب
وبيزرع شوية بندورة وخيار
ويقطين وعجّور
هي حيلتو
كريم بأرضو إن قصدتّو
وعفيف النّفس (ولو جوعان) .. إن عزمتو
مرشد والحلو
فهموا العمر من اوّلو
لا مال بالدنيا ولا دهب
ولا صوبها مشي خطوة
ولا لذّاتها طلب
هوّ العمر يومين
عافية وأرض وشجرتين
بقرة وخروف وجاجتين
وولاد حولك متل النسور
إن ماطيلعت الأرض غلّة
بيطلعوها من الصّخور
بين الجرن وعين العريض ..
أرض الصفيّ ..
لأحمد عبّود ..
زيتون ودوالي
عناقيدها أصفر دهب .. وسود
بعد طول هالغيبة والشّقا
رجعت ع تالين ضيّعت مفرقا
وصرت اسأل عن سهراتها الحلوة
ومعاصرالزّيتون و وين المصطبة
جاوبني الصدى .. ياحسرتي
اللي راح مابيرجع بقا ...
" وليد علي .. فنان من تالين
دمشق 2011
دمشق 2011