مش هاكون غيه
ولا ليكى ملاغيه
تعيشى فرحانه
تكونى مبسوطه
مش هاكون انا الضحيه
إسمعى يابنت الناس
متلعبيش بالإحساس
ولا تلعبى بيه
إلزمى حدك
متعشيش زى الشيطان
عيشى إنسيه
أنا مبظلمكيش
ولا بتجنا عليكى
إنتى مش زى الولايه
إنتى فى الاصل جنيه
هاعيش للى يعيشلى
ومش باكى على مش باقى عليه
هاخلى فرحى أمل
وهاخلى حياتى عمل
هابنيها بإيديه
فرحه من فضه
وفرحه ذهبيه
ويكون فنى صاحبى
اتباها بيه
وعلمى نورى وسكتى اسكن فيه
إدلعى براحتك
وإتعالى براحتك
بس كرامتى منارتى
مش هاتشمتى فيه
لو اشترتينى
كنت اشتريتك
بس انتى بعتينى
واللى يبعنى
ابيعه من غير ديه
انتى خلاص متلزمنيش
ولا ليكى عندى اهميه
الغدر من سمتك
والكدب عندك غيه
انا بعدك مرتاح
وقلبى داوا الجراح
عمر م الهم
هايشمت فيه
ولا الحزن
هايسكن عينيه
ربك هوه اللى بيحاسب
والحساب عنده بالنيه

كلمات / محمد جميل