إعـــــــلان

تقليص
لا يوجد إعلان حتى الآن.

سامي محفوض - ضَلُّو انْزفو.. أنتو يَ هالخَيَّين..

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • سامي محفوض - ضَلُّو انْزفو.. أنتو يَ هالخَيَّين..

    تمت الإشارة إلى ‏عباس سليمان علي‏ في ‏صورة‏ ‏كَرْمة فكر.





    مع تحيتي لكل قطرة دم روت أرض سورية وكل نقطة حبر أضاءت الحقيقة ..
    ----------------------------------------------------------------------------------
    ضَلُّو انْزفو..
    =========
    أنتو يَ هالخَيَّين..
    يِخزي العين
    لمَّا نزيف بـْ تنْزِفوا
    واحد بـِ نَزفو المرجلة
    والمرجلة..
    هيَّي الوحيدة بـْ تَعرفو
    وْواحد عَ نَزفو النور..
    كلّ النور..
    ناشِر عَ نَزفو شرشَفو
    * * *
    شو قصِّتك يا هالحبرْ؟
    شو قصِّتَك يا دمّ؟
    خَيَّين عَ مَرِّ الدهرْ..
    باقي الشمل ملْتَمّ
    يَ وْلاد مجد الطُّهرْ..
    والأبجدية الأمّ
    خَيَّين عَ سَيْر الزمن يِتْكاتَفو
    حتى الحقيقة بالتَّكاتُف يِنْصِفو
    * * *
    مع كلّ نقطة حبر..
    وَمْضة نور
    تشعِل خبايا الفكر..
    وتْشَتِّت الديجور
    نَزْف الحبر موسِم صبر
    والكَون حولو يْدور
    يترُك عصر..
    يبْدا بْـ عصر
    والحبر..
    عَ مَفْرَقُن ناطور
    يِجْلي مَرايا الأمس حتى يِنْضَفو
    وْيِعْكُس على الآتي أمَلْ ما ألطفو
    * * *
    والدَّمّ..
    نَزْف الدَّمّ..
    في نَزْفو مَدَدْ
    يُوْلِد جَديد..
    مْلَبِّسو ثوب الجَّدَد
    لولا النزف..
    كانت أمانينا بَدَدْ
    يا نَزْف.. يا كَرْم العطا..
    فيك انْوَجَدْ..
    عزّ البلدْ
    لولا النَّزف كانو سراجات انْطَفو
    كرمال هَيْك النَّزف الله شَرَّفو
    * * *
    يا دمعةْ المقهور..
    والحزنان
    فاض البلد..
    يِكْفي بـِ حزن نْغَرِّقو
    أرضِك سُوْرِيَّا جنِّة الإنسان
    نَزْف الحبر والدَّمّ..
    فيكِ بـْ يِلْتِقوا
    مَرَّات منهم تشعل النيران
    مَرَّات صوب المجد ..
    عَمْ يِتْسابقو
    يمكن أنا للنَّزف ما فيِّي اوْصِفو
    كرمال مجد الرَّبّ..
    يا خَيَّين..
    ضَلُّو انْزفوا..
    وْبَعد النزف..
    ضَلُّو انْزفوا

    [سامي محفوض]






يعمل...
X