تويت
بديع سليمان
قصيدة كتبتها والدتي الشاعرة الشعبية صفية قنص منذ مدة طويلة و ستلقيها في رابطة المدينة النسائية بمناسبة الذكرى 47 لتأسيس الاتحاد النسائي العام في سورية و تهديها لجميع نساء سورية الحرائر فيها توصيف لواقع المرأة عموما في مجتمعنا الذكوري بامتياز و هي واقعية بامتياز.
محبوبي بيتم بعيد
وقلبو أقسى من الحديد
كل ساعة براسو موال
وبيطلعلي بفن جديد
كل ساعة براسو شغلي
طبعو ورتلي علي
نار بقلبي عم تغلي
وكل ما حاكاني بتزيد
إن حاكيتو مرة بسرور
بيرد عليي مقهور
وأنا كالعبد المأمور
مابيخالف أمر السيد
يا الله شو قلبو قاسي
طبعو وجعلي راسي
بظني ماخد وراسي
و عن كلامو ما بيحيد
بيعاتبني وبيقلي
ولادك ربولي علة
حظي معتر يا دلي
و أيامي كلا تنكيد
بيعاتبني عالماضي
و ماهو بهالعيشي راضي
ولو كنت بأرض القاضي
ما بحصل على شيئ جديد
منقعد لا نحكي سوية
و نتفاهم عالحرية
بيقلي يا صفية
نكدتي عيشي تنكيد
مجتمع كلو تعبان
دوم بيطعن بالنسوان
بأي دين من الأديان
حل علينا هالتهديد
سألت الباري يسامحني
يخلصني من هالمحنة
كلام الغيظ مجرحني
و أهاتي عما بتزيد
بين طلوعي ونزولي
كل ساعة بعمل جولة
ولي بيجهل لقولي
يبلاه بحما التفوئيد
الطبع من خالقي و بالناس عملو
فلا مورث من خالو وعم لو
و كل من الناس بيتابع لعملو
وعند الخالق بنصفي هالحساب
قصيدة كتبتها والدتي الشاعرة الشعبية صفية قنص منذ مدة طويلة و ستلقيها في رابطة المدينة النسائية بمناسبة الذكرى 47 لتأسيس الاتحاد النسائي العام في سورية و تهديها لجميع نساء سورية الحرائر فيها توصيف لواقع المرأة عموما في مجتمعنا الذكوري بامتياز و هي واقعية بامتياز.
محبوبي بيتم بعيد
وقلبو أقسى من الحديد
كل ساعة براسو موال
وبيطلعلي بفن جديد
كل ساعة براسو شغلي
طبعو ورتلي علي
نار بقلبي عم تغلي
وكل ما حاكاني بتزيد
إن حاكيتو مرة بسرور
بيرد عليي مقهور
وأنا كالعبد المأمور
مابيخالف أمر السيد
يا الله شو قلبو قاسي
طبعو وجعلي راسي
بظني ماخد وراسي
و عن كلامو ما بيحيد
بيعاتبني وبيقلي
ولادك ربولي علة
حظي معتر يا دلي
و أيامي كلا تنكيد
بيعاتبني عالماضي
و ماهو بهالعيشي راضي
ولو كنت بأرض القاضي
ما بحصل على شيئ جديد
منقعد لا نحكي سوية
و نتفاهم عالحرية
بيقلي يا صفية
نكدتي عيشي تنكيد
مجتمع كلو تعبان
دوم بيطعن بالنسوان
بأي دين من الأديان
حل علينا هالتهديد
سألت الباري يسامحني
يخلصني من هالمحنة
كلام الغيظ مجرحني
و أهاتي عما بتزيد
بين طلوعي ونزولي
كل ساعة بعمل جولة
ولي بيجهل لقولي
يبلاه بحما التفوئيد
الطبع من خالقي و بالناس عملو
فلا مورث من خالو وعم لو
و كل من الناس بيتابع لعملو
وعند الخالق بنصفي هالحساب