إعـــــــلان

تقليص
لا يوجد إعلان حتى الآن.

المذيع ( عمرو عبد الحى مصطفى أديب ) إعلامى و مقدم برامج مصرى متميز اشتهر بوطنيته..

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • المذيع ( عمرو عبد الحى مصطفى أديب ) إعلامى و مقدم برامج مصرى متميز اشتهر بوطنيته..

    عمرو أديب

    من ويكيبيديا
    عمرو عبد الحى مصطفى أديب ( اتولد فى المحله الكبرى، مصر، 23 اكتوبر 1963) إعلامى و مقدم برامج مصرى متميز اشتهر بوطنيته و مواقفه اللي بدافع عن حقوق مصر و المصريين. عنده شعبيه كبيره فى مصر بين كل طبقات الشعب المصرى و شعبيه كبيره كمان في الدول العربيه. الإبن الوسط للسيناريست و الكاتب عبد الحى أديب و أخو المنتج السينمائى عماد أديب (اخوه الكبير) صاحب شركة جود نيوز. درس فى فيكتوريا كوليج فى القاهره و بعدين فى كلية الاعلام فى جامعة القاهره. بيعتبر عمرو أديب من أحسن اللى بيقدمو البرامج التلفزيونيه فى مصر و مشهور بإسلوبه المتميز اللى بيتكلم بيه. من برامجه المشهوره اللى بيقدمها برنامج القاهره اليوم على قناة اليوم اللى تبع شبكة اوربت شوتايم (OSN) و الاول كان بيتبع بس شبكة اوربت بس بعد الاندماج للشوتايم دلوقتي تبع اوربت شوتايم و كمان قناة اليوم بتذيع على اكثر من 6 اقمار البرنامج بيتشاف في اكتر من قاره في العالم، و بيرأس تحرير جورنال العالم اليوم و المدير التنفيذى لشركة جود نيوز الاعلاميه بتاعة أخوه عماد أديب.

    عمرو اديب مجوز المذيعه و الاعلاميه المشهوره في مصر و اللي شغاله في التلفزيون المصر و كمان شبكة قنوات النيل (NTN) لميس الحديدي و جايب منها ولدين.عمرو أديب معروف بوطنيته و شعوره الانتمائى لبلده مصر و كانت ليه مواقف مشرفه فى التصدى لمحاولات تشويه صورة مصر فى الاعلام العربى. بعد ماتش الكوورة فى تصفيات كاس العالم بين مصر و الجزاير يوم 18 نوفمبر 2009 فى السودان فتح تليفونه على الهوا عشان يتلقى طلب مساعدات من المصريين فى السودان عشان يوصلها للمسؤولين. و استمر فى مناقشة الموضوع و اتعرض المصريين لإساءات من المشجعين الجزايريين بعد الماتش و ضرب على مصالح مصر فى الجزاير و تدمير مكتب شركة مصر للطيران في الجزائر. عمرو اديب كمان معروف بحبه و انه بيشجع نادى الزمالك.
    مكالمه تليفونيه
    جزء من مكالمه تليفونيه حلوه فى برنامج القاهره اليوم بتاريخ 23 نوفمبر 2009 عن موضوع القوميه العربيه بين عمرو أديب و العربى فهد العرابى رئيس أسبا للدراسات و العلوم و الاعلام عشان اعتداءات الجزايريين على المصريين و اللى بتلقى ضؤ على مفهوم العروبه اللى فيه مصريين بقوا بيعتبروها ابتزاز:
    - العرابى: حتى لو هاجموها الجزائريين حتى لو هاجموها السعوديين حتى لو هاجمها أى حد، مصر معروف دورها و معروف تاريخها، هى دوله رائده و هى دوله لازم تكون فعلاً قياديه و انت جلت جبل يومين مع المعنى هدا إن مصر بدورها القيادى لازم أن تتحمل كثير من الإساءات، نعم يجب أن تتحمل
    - عمرو أديب: ليه ؟
    - العرابى: لازم تتحمل
    - عمرو أديب: ليه مكتوبه فى كتاب يعنى ؟ ربنا قال ايه.. ربنا قال "ادخلوها إن شاء الله أمنين" مش ضاربين..
    - العرابى: نعم؟
    - عمرو أديب: ربنا.. هل كتب فى القرأن على مصر إن ده يكون قدرها ؟
    - العرابى: نعم
    - عمرو أديب: ايوه ؟
    - العرابى: نعم انك تكون قائد للعالم العربى و القائد هو الرائد يتحمل..
يعمل...
X