إعـــــــلان

تقليص
لا يوجد إعلان حتى الآن.

مقطع من مسرحية "بيترا"...للسيدة فيروز

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مقطع من مسرحية "بيترا"...للسيدة فيروز

    مقطع من مسرحية (بيترا) للسيدة فيروز
    بيترا : نيبال شو الأخبار
    نيبال : رجعوا الخيالي اليوم من السفر
    رجعوا وجابولي عن العسكر خبر
    بيترا : هات خبرني
    نيبال : الخيل عم تسحب وراها الويل
    وبرق خاطف من سنابك خيل
    وفرسان من هالميل
    وفرسان من هالميل..
    جرّحوا الليل وجرّحوا بعضن
    واختلط دمّن بدمّ الليل
    وانحصرت وجوهن بوشّ الليل..
    بيترا : ورجالنا..!!؟
    نيبال : قتلى عم يعضّوا التراب
    كانوا شباب..
    مبارح أنا ودّعتن
    كانوا شباب..
    عم يرقصوا ويهيّصو
    كيف بدارنا الناس بيخلصوا ..!!
    بيترا : هيدي الحرب
    نيبال : هنّي كتار وجيشهن زايد عددْ
    بيترا: هنّي كتار يكونوا والوعد انوعد ..
    نيبال كون المجد بتكون العدد..!!
    نيبال : برجع كأني طفل
    بحلم وأتمنى..
    يصير هلأ متل ما كنّا
    وليدات نلعب ونعمل حرب
    نربح وما ينقص حدا منّا
    بيترا : ياريت ... ياريت
    ياريت فيّي صرّخ بوش الكبار
    قلهن حاج يلعبوا فينا
    أحرار بدنا نضلّ أحرار
    ولابد ما شي نهار
    توصل مراكبنا للمينا..!؟
    نيبال : يامولاتي
    الأرض الّي أنتي منها
    شمس وريح وشعب يقاتل عنها
    والكرامة منها
    والحضارة منها
    مهما تصرّخ روما
    وتغلي وتعصف روما
    مش رح تقدر تقطف
    وردة منها...!!؟



  • #2
    رد: مقطع من مسرحية "بيترا"...للسيدة فيروز

    انتقاء ينضو بالجمال
    سمو ورونق و ألق ...
    أفق ودهاليز وعتمة نور
    سراديب وشعاع ...
    دائما يبهرنا حضورك دمت يا راقي
    أضعف فأناديك ..
    فأزداد ضعفاً فأخفيك !!!

    تعليق


    • #3
      رد: مقطع من مسرحية "بيترا"...للسيدة فيروز

      أشكرك من كلّ قلبي ياسمين الشام... مرورك ابداع في حدّ ذاته

      تعليق

      يعمل...
      X